Israel-Iran Attack: ઈરાનના બુશહર બંદર પર ઈઝરાયલનો ભીષણ હુમલો, વિડિયો સામે આવ્યો

09:46 PM June 13, 2025 Gujju News Channel

ઇઝરાયલે ઇરાનના બંદરને નિશાન બનાવ્યું છે, જેમાં ભારે આગ લાગી હતી અને આકાશમાં ધુમાડાના ગોટેગોટા ઉડવા લાગ્યા હતા.

Israel-Iran Attack : ઇઝરાયલ દ્વારા ઇરાન પર સતત હુમલા કરવામાં આવી રહ્યા છે. રાજધાની તેહરાન બાદ હવે ઇઝરાયલે ઇરાનના બંદરને નિશાન બનાવ્યું છે, જેમાં ભીષણ આગ લાગી હતી અને આકાશમાં ધુમાડો નીકળવા લાગ્યો હતો. આ અંગે એક વિડિયો પણ સામે આવ્યો છે. ઇરાનના આ બંદરનું નામ બુશહર પોર્ટ છે.

► ઇરાની બંદર બુશહર પર જોરદાર હુમલો

ઇઝરાયલી સંરક્ષણ દળોએ ઇરાની બંદર બુશહર પર જોરદાર હુમલો કર્યો હતો, જેના કારણે આખું બંદર નાશ પામ્યું હતું. સોશિયલ મીડિયા પર વાયરલ થયેલા વિડિયોમાં હુમલા બાદ એક જહાજમાંથી ધુમાડો નીકળતો જોવા મળી રહ્યો છે. આ પહેલા ઇઝરાયલે તેહરાન અને નાતાન્ઝ જેવા પરમાણુ પ્લાન્ટ પર હવાઈ હુમલા કર્યા હતા, જેના કારણે ઇરાન ભારે રોષે ભરાયું છે.

► ઈરાનના બુશહર બંદર પર ભીષણ હુમલો

બુશહર બંદર દક્ષિણ-પશ્ચિમ ઈરાનના અરબી ગલ્ફ કિનારે આવેલું છે. તે પ્રાચીન બંદર શહેર રિશાહરની નજીક બનેલ છે, જે ઈરાનનું મુખ્ય બંદર છે. આ બંદર તેના પ્રાંતનું વહીવટી કેન્દ્ર પણ છે. આ બંદર રાજધાની તેહરાનથી લગભગ 1,218 કિલોમીટર (757 માઇલ) દક્ષિણમાં સ્થિત છે.